A LOIS

Detective salvaxe

no mundo.

A inspeccionar

co vicio,

 asomado ó abismo.

Cómplice do sangue, instigador das veas que ferven, asoaxe, vida trala morte, curiosidade de tantos na boca duns poucos náufragos metálicos na paisaxe.

Detective salvaxe no mundo das ideas, reventándoo todo.

Porque o corpo é unha festa.

Daste por vencido, perdeches os papeis, obvias as pesquisas e ves polos ollos dos outros todo aquilo que teñen de salvaxe.

De ladrón, mentireiro, homicida...